ЎҚУВЧИМГА МУРОЖАТ. - HIKOYALAR va SHE'RLAR • Kutubxonachi.uz

ЎҚУВЧИМГА МУРОЖАТ.

Xurshid Karim. Muallifning She'ri

Уйда қолиб болажон,
Ҳар соҳадан ўқиймиз,
Ўксимагин ҳеч қачон,
Масофадан ўқиймиз.

Дилга тугиб сабримиз,
Совурмасдан вақтимиз,
Қолдирмай ҳеч дарсимиз,
Масофадан ўқиймиз.

Эй кўзлари қаройим,
Сўзлари шакар чойим,
Қалбан биргамиз доим,
Масофадан ўқиймиз.

Дилда сўнмасин ҳавас,
Соғмиз, саломатмиз бас,
Саккизда бошланар дарс,
Масофадан ўқиймиз.

Кўнгилни қилмай ҳира,
Сабр,қаноат ила,
Кўчага чиқмай сира,
Масофадан ўқиймиз.

Эрта уйғониб,барвақт,
Машқлар қилгин ҳарвақт,
Энди шундай бир муддат,
Масофадан ўқиймиз.

Ўксима,чекма фироқ,
Шод бўл, ҳушвақт бўл ҳар чоқ,
Қани телвизорни ёқ,
Масофадан ўқиймиз.