KITOB O'QIYVERING! - HIKOYALAR va SHE'RLAR • Kutubxonachi.uz

KITOB O'QIYVERING!

No'malum. Muallifning Hikoyasi

Bir kuni ustozimga:
-"Ustoz, ushbu kitobni o'qib chiqdim, lekin xotiramda bu kitobdan hech narsa qolmadi" - dedim.
Shunda ustozim bir dona xurmo berib:
-"Buni yegin"-dedilar va birozdan so'ng menga:
- "Xurmo yeganing uchun katta bo'lib qoldingmi? " -dedilar.
Men: -"Yo'q" -dedim.
Ustozim:
- "Lekin bu xurmo sening badaningga singib, sening tanangda go'sht, suyak, pay, teri, soch va tirnoqlarga aylanmoqda" - dedilar.
Shunda men anglab yetdimki, men o'qigan kitoblar ham ongimga singib, o'zim bilmagan holda mening lug'at boyligimni oshirar, aqlimni ziyoda qilar, axloqimni sayqallar, hamda gapirish uslubimni go'zal qilar ekan.